s n a p s h o t s Home

Saturday, June 23, 2007

حالة كده .. معرفش إيه

معرفش ليه تنّحت للدنيا كده
فجأة لقيتني مسكون بالملل
لا عندي رغبة في البكا ولا في الكلام ولا عارف أنام
ولا حتى بسأل إيه ده إيه و أخرتها إيه و إيه العمل

و أخاف أقول لأي حد
أحسن يقوم يقلبها جد
حد صاحبي ينزعج
يمد إيده في قلبه من باب الكرم
عشان يشاركني الألم
أو يستلفلي من لئيم حبّة أمل
حالة كده .. معرفش إيه

حالة كده ملهاش معالم
ساعات تزورني في الربيع .. في الحر .. و في عز الشتا
و تجيب حاجات لا فيها روح ولا ميتة
لكني برجع منّها بعد السكات .. فاهم شوية في اللي فات
حاسس أوي بحزن الصحاب .. محظوظ أنا
ساعات أشاور ينفتحلي ألف باب
لكنّي بغلط في الحساب
معرفش ليه
على سلامة

Labels:

6 Comments:

Anonymous shaimaa said...

ايوا ايواا
هياكده بالظبط هيا كده
حاله كده ملهاش ملامح بيتزورني في الربيع في الحر في عز البرد

طول الليل بدور علي تفسير
للي انا فيه بس معرفتش
بس هيا كده زي ما علي سلامه قالها
معرفش ليه تنحت للدنيا
فجاءه

6/23/2007 02:03:00 pm  
Anonymous Anonymous said...

كلمات بتلمسنى وانا فى حاله نفسيه يرثى لها
بوست مش بطال:)))

6/23/2007 04:56:00 pm  
Blogger Dananeer said...

ايه الحكايه
كلنا بنقلب المواجع
معرفش ليه
:'(

6/24/2007 04:08:00 am  
Blogger big big girl...in a big big world said...

اللى جاى بكره هيبقىاحلىمنالنهارده بكتير باذن الله

بس احنا بس يكون عندنا استعداد اننا نعيش الحاجه الحلوه و عندنما ايمان انها لسه موجوده

6/24/2007 09:59:00 am  
Blogger Yara said...

it's really nice ya santa :)

7/02/2007 06:32:00 pm  
Blogger arab girlscool said...

This is such a nice addition thanks!!!
عرب كول
شات صوتي
شات مغربي
إنحراف كام
شات عرب كول
صوتي
دردشه صوتيه
سعودي كول

11/04/2013 05:16:00 pm  

Post a Comment

<< Home