s n a p s h o t s Home

Wednesday, August 16, 2006

About My Blog


بناء على طلب من العزيز "كلام" اللى مررلى التاج ده ، والجدير بالذكر أن كلام هو البلوجر الراجل الوحيد اللى بيتابع البلوج بتاعى (أنت مش محسوب يا جاسر ، علشان أحنا أصحاب من زمان وهتيجى هتيجى غصباٌ عن عينك)

نفسى أعرف الرجاله مبتجيش هنا ليه ؟؟ رغم أنى مش حاسس أن فى أى ملامح أنوثة فى البلوج !!!!

نهايته ...


هل أنت راض عن مدونتك شكلاً وموضوعاً؟
يعنى .. حاجات وحاجات وعلشان كده بافكر فى حاجه ، بالمناسبة أخد رأيكو ، بأفكر أخلى الباوج ده مفيهوش ألا الشخابيط وأعمل بلوج تانى فيه شوية الحاجات اللى بتعجبنى ولو هفنى المزاج أكتب كلمتين كل كام سنه ، يا ريت تبقوا تقولو رأيكو

أما أعمالى بقه فأكيد أنا بحبها وأكيد بتعبر عنى وأكيد حاسس أنها ناقصة ومظنش أنى هحس بالرضا التام عنها

هل تعلم أسرتك الصغيرة بأمر مدونتك؟
نعم ، مفيهاش حاجة شخصية علشان أخبيها

هل تجد حرجاً فى أن تُخبر صديقاً عن مدونتك؟
أحياناٌ ، بقول بس للى باحس أنه ممكن يهتم


هل تعتبرها أمرا خاصا بك؟
لأ ، يمكن علشان مفيهاش حاجات شخصية


هل تسببت المدونات بتغيير إيجابى لأفكارك؟
أنا أكيد بأعرف وبفهم منها حاجات ، بس تغيير أفكار دى صعبة شوية


هل تكتفى بفتح صفحات من يعقبون بردود فى مدونتك أم تسعى لاكتشاف المزيد؟
لأ ببص على اللينكات اللى فى المدونات اللى بتابعها ، يعنى يمكن ألاقى حاجه فى نفس السكه

ماذا يعنى لك عداد الزوار.. هل تهتم بوضعه فى مدونتك؟
طبعاٌ ، برسم لأمى أنا !!! بس مبفكرش فى الموضوع ده وأنا بأعمل بوست جديد ، بحط اللى بعمله واللى بيجى فى دماغى


هل حاولت تخيل شكل اصدقائك المدونين؟
كتير


اعترفـــ هل ترى فائدة حقيقية للتدوين؟
أهو متنفس للواحد يعبر عن حاجات ملهاش وقت فى زحمة الدنيا ، وكمان بيلاقى بشر معاه على الخط

هل تشعر أن مجتمع المدونين مجتمع منفصل عن العالم المحيط بك أم متفاعل مع احداثه؟
اطلاقا ، نفس البلاوى .. مع حبة قليلين كويسين

هل يزعجك وجود نقد بمدونتك ؟ أم تشعر انه ظاهرة صحية؟
حصلت كام مره وأظن أنه كان مفيد ، عادة مش بضايق أظن مره أو أتنين الاسلوب معجبنيش

هل تخاف من بعض المدونات السياسية وتتحاشاها؟ هل صدمك اعتقال بعض المدونين؟
بتحاشاها غالباٌ علشان بتخنق منها ومن الفتى اللى عليها ومن أدوار البطولة المصطنعة اللى فيها (مش كلها طبعاٌ لكن 99% من وجهة نظرى) ، ومظنش أن فيه حد من البلوجرز أتقبض عليه بسبب البلوج ، وعامة مش شايف أى سبب للصدمة ،


هل فكرت فى مصير مدونتك حال وفاتك؟
يا راجل عيب عليك !!! تفتكر أنا لما بيجى على بالى الموت بافكر البلوج هيحصلو ايه من بعدى !!!! ميتحرق بجاز !!!


آخر سؤال : تحب تسمع أغنية إيه- بلاش صيغة آمال فهمى دى - ما الاغنية التى تحب وضع اللينك الخاص بها فى مدونتك؟
أنا حطيتها قبل كده "I've sen it all - bjork"


اكتب اسماء خمسة مدونين ليقوموا بهذا الاستقصاء بعدك
ونبى يا عم بحبحها شوية ، معلش أصل صحابى كتير : جاسر - يسرا - مويا - غاده -AZ- Lasto-adri *Blue - Eve salma BANNA


Labels:

14 Comments:

Blogger Lasto-adri *Blue* said...

مرسى يا كريم كتيييير

والله كان بودى اكون بشنب عشان العقدة اللى بوادرها بدئت تظهر على البلوج بتاعك.. بس القصد.. تقدر تقول لى يا باشمهندس
ماتخفشى مش ح صلحها
هههههههههههه

8/17/2006 01:31:00 am  
Blogger Yousra said...

فكرة بلوج لرسوماتك الجميلة و واحد تاني تكتب فيه أعتقد أنها فكرة كويسة

موضوع أن فقط البنات هم رواد البلوج ،أنا بردوا رواد البلوج بتاعي رجاله بس
تيجي نبدل

و شكرا للدعوة

8/17/2006 09:22:00 am  
Blogger Eve said...

فكرة الفصل ما كتير عجبتني. المدونة كلها على بعضها لازم تكون المزيج اللي بيعكس شخصيتك.

وبالنّسبة لرواد المدونة الإناث أكتر من الشباب، فأظن في كتير مدونين بيتمنوا يكونوا مطرحك ;)

8/17/2006 10:19:00 am  
Blogger kalam said...

ههههههههههه
اول مره اخد بالي من موضوع البنات بس ده
يا بختك يا عم
كل البنات بتحبك

8/17/2006 10:59:00 am  
Blogger Moia said...

ba2a mesh 3agbak el banat ...tab 2ol klmten 7lwen fe 7a2hom 3ashn myb2sh la banat wala wlad .. 3ala el 3mom ya3ny homa el banat ely 3ndhom 7es fany aktar 3ashn keda bygo hean mesh la ay sababa tany ;)
7baet ur answers awe bas balash el za2 da :))

8/17/2006 11:51:00 am  
Blogger santakarim said...

lasto:
لا يا ستى الموضوع مش مستاهل تضيعى نفسك وتحطى شنب ، دانا حتى زارنى امبارح شاب لبنانى "Haider Droubi"
كتر خير الدنيا :-)

Yousra:
لا يا ستى ميرسى ، انتى عارفه انا حتى ماليش تقل على الولاد ;-)

Eve:
ميرسى على رأيك وهى وجهة نظر وجيهه فعلاٌ ، هافكر فيها فعلاٌ ميرسى انك الوحيدة اللى قلتى رأيك ، سامعين :-)
وبعدين انا مش متضايق من كتر البنات انا متضايق من قلة الولاد :-)

كلام:
يا عم هما يا ريتهم بيحبونى انا :-) هما بيحبو البلوج
وبعدين ما هو النق ده اللى مودينا فى داهية :-)

Moia:
مين اللى قال انى مش عاجبنى بس ، انا بس غضبان على الرجاله :-)
طب سلام مربع لبنات البلوج :-)
بالنسبة للأجابات ماانتى عارفه بقى انى زرزور

8/17/2006 03:10:00 pm  
Blogger Hope said...

Your art is what makes your blog very special. You do not post often, so to have two blogs(in my opinion)is not a very good idea.

I thought your answers to these questions were the best I've read so far in this tad!

Keep up the good work..more art ya Kareem please.

8/18/2006 10:08:00 am  
Blogger Gazzer said...

صباح القهر يا صديق

طول عمرك ساحر النساء يا منيّل
هأو هأو

موضوع الفصل ده فكرة معقولة أوي
جرب

كفاية كدة عشان أسيبلك مساحة لنون النسوة

8/18/2006 07:06:00 pm  
Blogger santakarim said...

Hope:
welcome back, it's been a long time :-)
i'll surly consider ur opinion, about art, i hope i can get active back soon .. da3watek :-)

Gazzer:
hehehe .. ash 7al 3arf albeer we 3'tah :-)

8/18/2006 07:19:00 pm  
Blogger Merayat said...

كريم انا مع توحيد اعمالك في نفس البلوج ...عشان كده الناس حتتوه ..يعني حتلاقي بلوج واخدة زيارات اعلى من التانية
اما بقى عن حكاية البنات ... فاكيد احنا مشرفينك ومنورينك// وبعدين معلش بقى الرجالة هما اللي كسالة /// او انت بقى اللي مقصر مع الولاد في بلوجاتهم العظيمة :P

8/19/2006 12:58:00 am  
Blogger Ensan said...

كريم , اولا انا دى اول مرة اكتب رد , وان كنت من المتابعيين للبلوج , وبكتب رد المرادى علشان اثبتلك ان فيه رجالة بتيجى هنا - ماهو مش هانسيبك لوحدك لازم نكون معاك برضه :D -

وبعد ده هابقى اكتب ردود علشان ماتحسش ان الرجالة سابتك

8/22/2006 12:45:00 pm  
Blogger santakarim said...

Merayat:
wallahy ana fe3lan mosh ba7ot comments kteer 7ta fi alblogs aly batab3hom, asl sa3at 7gat ta3gbk awy, bas mafesh 7aga mofeda a2olha

ensan:
ahlan beek we ahlan balregala, we anta 3arf wa2fet alragl be milion sat , bas aza gat alsa ... :-)

8/22/2006 01:31:00 pm  
Blogger Sampateek said...

تفتكر أنا لما بيجى على بالى الموت بافكر البلوج هيحصلو ايه من بعدى !!!! ميتحرق بجاز
----
ههههههههههههه
عجبني الرد جدا
خالص امنياتي بعر طويل
----
الي الامام دائما

8/22/2006 03:46:00 pm  
Blogger arab girlscool said...

This is such a nice addition thanks!!!
عرب كول
شات صوتي
شات مغربي
إنحراف كام
شات عرب كول
صوتي
دردشه صوتيه
سعودي كول

11/04/2013 05:01:00 pm  

Post a Comment

<< Home